Fokupean festibalean estreinatu genuen "Lotura Basatiak" ikuskizuna, eta urtarrilean berriro ere bagatoz.

Zilbor-heste bat. Ama eta alaba hariaren punta bakoitzean, hariari so. Lotura kate bat. Ama eta alaba hariaren punta banatik heldu eta hari tiraka, dantza geldiezin batean, harremanari korapiloak egin eta askatu, betirako iraungo duen doinu batean balantzaka. Beldurra, kontrola, dependentzia, zama, maitasuna. Etengo den edo etengo ez den dantza infinitu bat.

Ama alaben arteko harremanaren konplexutasuna lantzen du “Lotura Basatiak” piezak. Hitza, irudia, musika eta mugimendua bateratzen eta tonu desberdinak nahasten dituen –umorea, poesia, drama…– obra katartiko bat dakargu eszenatokira.